Fibra téxtil sintética moi resistente.
Etimoloxía
Esta é a forma coa que adaptamos o inglés nylon, voz inventada cando se creou o tecido, para a que existen distintas interpretacións, como que se trata da combinación das iniciais das cidades de Nova York e Londres.
Exemplos *
"Fío groso, cordel ou nailon, onde a palilleira enfía os palillos con movementos de arriba abaixo e viceversa." (Xosé Luís Blanco Campaña: Camariñas terra de palilleiras)
"Leva unhas medias, coido que de nailon, preciosas, por non falar do que hai dentro." (Luís Rei Núñez: Expediente Artieda)
* As citas da Palabra do Día respectan as escollas ortográficas e morfolóxicas da edición referida. Os exemplos fan referencia só a unha das posibles acepcións da palabra documentada.